-->
पहाडमा पुत्ला जलाएर विरोध गरिरहेका मन्त्री विश्वासलाई कालेबुङमा भव्य स्वागत  ......पहाडका जनतालाई प्राणभन्दा प्यारो माया गर्छु – अरूप विश्वास

पहाडमा पुत्ला जलाएर विरोध गरिरहेका मन्त्री विश्वासलाई कालेबुङमा भव्य स्वागत ......पहाडका जनतालाई प्राणभन्दा प्यारो माया गर्छु – अरूप विश्वास

Welcome of Minister Aroop Biswas in Kalimpong
डी.के.वाइबा, कालिमन्युज, कालेबुङ 20 सितम्बर। ‘पहाडका जनतालाई प्राणभन्दा प्यारो माया गर्छु। पहाडमा शान्ति र विकास हाम्रो पहिलो प्राथमिकता हो। हाम्रो दलनेत्री मुख्यमन्त्री ममता ब्यानर्जीले पनि पहाडमा शान्ति र विकास चाहन्छन। म पार्टीको एकजना सिपाही भएको कारण दलनेत्रीको निर्देशलाई पालन गरेर पहाडको बिकास गर्नेछु’ – उक्त कुरा आज अपराह्न कालेबुङ आइपुगेका मन्त्री अरूप विश्वासले भनेका हुन्। 
मुख्य मन्त्री ममता ब्यानर्जीको कालेबुङ आगमनको ठिक एक दिन अघि मन्त्री विश्वास कालेबुङ आइपुगेका छन् भने आज उनले दार्जिलिङ हिल तृणमूल कङ्ग्रेसका कार्यकर्ताहरूसँग साङ्गनिक बैठक गर्ने पार्टी सुत्रले जानकारी दिएको छ। 
गोर्खा जनमुक्ति युवा मोर्चाले दार्जिलिङ, खर्साङ अनि मिरिकमा पुत्ला जलाएर जोडदार विरोध प्रदर्शन गरिरहेकै अवस्थामा मन्त्री विश्वास आज कालेबुङ आइपुगेका हुन्। 
उनको कालेबुङ आगमनलाई केन्द्र गरेर पुलिस प्रशासनद्वारा कठोर सुरक्षा व्यवस्था गरिएको थियो। मन्त्री विश्वासको कालेबुङ आगमनमा दार्जिलिङ जिल्ला हिल तृणमूल कङ्ग्रेस लगायत भारतीय खस हितकारी सम्मेलन, जोगी कल्याण सङ्घ, गुरूङ कल्याण सांस्कृतिक सनस्थान आदि सङ्गठनका प्रतिनिधीवर्गले भव्य स्वागत जनाएका थिए।
यसक्रममा दार्जिलिङ जिल्ला हिल तृणमूल कङ्ग्रेसका अध्यक्ष राजेन मुखिया, सचिव बिन्नी शर्मा, कार्यकारी अध्यक्ष छेवाङ भोटिया लगायत पासाङ तामाङ उपस्थित रहेका थिए। कालेबुङ आइपुगेका मन्त्री विश्वासलाई यहाँको थाना डाँडामा नै पटेका पड्काउँदै खदा माला लगाए पछि ब्याण्ड बाजाको साथमा डम्बर चौकसम्म ल्याइएको थियो।
यसक्रममा सडक किनारामा उभिएका मानिसहरूले फूल वर्साएर मंत्री विश्वासलाई स्वागत गरेका थिए भने मन्त्री विश्वासले पनि थानाडाँडादेखि डम्बर चौकसम्म पैदल यात्रा गरेर जनताको अभिनन्दन स्वीकार गरेका थिए। यसक्रममा मन्त्री विश्वासले पहाडलाई मुख्यमन्त्री ममता ब्यानर्जीले असाध्यै माया गरेको अनि बिकास गर्न चाहेको बताउँदै आफू एकजना सरकारको सैनिक भएको नातामा मुख्यमन्त्रीको निर्देशनलाई पालन गरेर विकास गर्ने प्रतिबद्धता जाहेर गरे ।
यसक्रममा हाल दार्जिलिङ पहाडमा मन्त्री विश्वासको पुत्ला जलाएर विरोध गर्ने काम भइरहेको सन्दर्भमा प्रश्न गर्दा उनले आफुले पहाडमा धेरै माया गर्ने गरेको बताए। ‘पहाडका जनतालाई माया गर्छु। यसकारण म यहाँ आएर विकासका कार्यहरू गरिरहनेछु’ मन्त्री विश्वासले भने।

Related Posts

0 Response to "पहाडमा पुत्ला जलाएर विरोध गरिरहेका मन्त्री विश्वासलाई कालेबुङमा भव्य स्वागत ......पहाडका जनतालाई प्राणभन्दा प्यारो माया गर्छु – अरूप विश्वास"

Post a Comment

Disclaimer Note:
The views expressed in the articles published here are solely those of the author and do not necessarily reflect the official policy, position, or perspective of Kalimpong News or KalimNews. Kalimpong News and KalimNews disclaim all liability for the published or posted articles, news, and information and assume no responsibility for the accuracy or validity of the content.
Kalimpong News is a non-profit online news platform managed by KalimNews and operated under the Kalimpong Press Club.

Comment Policy:
We encourage respectful and constructive discussions. Please ensure decency while commenting and register with your email ID to participate.

Note: only a member of this blog may post a comment.