जापभित्र गणतन्त्र नरहेको दाबी गर्दै तोप्देन भोटियाले दिए राजीनामा..... यस्ता व्यक्तिहरू आउँछन् जान्छन् – डा. छेत्री
डी के वाइबा, कालिमन्युज, कालेबुङ ५ अप्रेल। जन आन्दोलन पार्टीका सह-सचिव तोप्देन भोटियाले पार्टीबाट राजीनामा दिएका छन्। उनले आज एक पत्रकार सम्मेलन आयोजना गरेर पार्टीको सम्पूर्ण पद अनि साधरण सदस्यताबाट राजीनामा दिएको जानकारी गराए।
गोर्खा जनमुक्ति मोर्चा त्यागेर जन आन्दोलन पार्टीको गठनकालदेखि नै सक्रिय बनेका तोप्देन भोटियाले नव गठित जन आन्दोलन पार्टीमा कुनै गणतन्त्र नरहेको अनि पार्टीमा कुनै पारदर्शिता नरहेको कारण देखाउँदै सम्पूर्ण पद अनि साधरण सदस्यताबाट राजीनामा दिएको जानकारी गराए। यसभन्दा अघि उनले पार्टीको क्रियाकलाप अनि अपारदर्शिताबारे देखिएका घट्नाहरूलाई केन्द्रमा राखेर जाप अध्यक्ष डा. हर्कबहादुर छेत्री, सर्वोच्च नीति निर्धारण समितिका अध्यक्ष प्रो. महेन्द्र पी. लामा, अमर लामा अनि अनमोल प्रसादलाई पत्रचार गरेर जानकारी मागे पनि उक्त पत्रको आजसम्म कसैले प्रत्युत्तर नदिएको कारणनै आफुले अन्तमा जापबाट राजीनामा दिएको बताएका छन्।
गोर्खा जनमुक्ति मोर्चामा गणतन्त्र नरहेको कारणनै नवगठित जन आन्दोलन पार्टीमा सामेल भएर कार्य गर्दै आए पनि आखिरमा जापभित्र पनि कुनै गणतन्त्र र पारदर्शिता नरहेकको थाह पाएर आफुले राजीनामा दिने निर्णय लिएको तोप्देन भोटियाले अझ बताएका छन्।‘जापभित्र कुनै गणतन्त्र छैन। पार्टीलाई अदृष्य शक्तिले चलाउँदैछ भन्ने मलाई लागेको छ। पार्टीभित्र पारदर्शिता हुनेछ भन्ने सिद्धान्तमा भए पनि त्यहाँ कुनै पारदर्शिता छैन’ तोप्देन भोटियाले भने। यसक्रममा उनले आफू पार्टीको सह-सचिव भए पनि पार्टीको कुनै नीति निर्धारण र कार्यक्रमहरूमा निमन्त्रण नदिएको आरोप लगाएका छन्।
तोप्देन भोटियाको राजीनामा सम्बन्धि जाप अध्यक्ष डा. हर्कबहादुर छेत्रीसँग प्रतिक्रिया लिन चाहँदा उनले यसबारे कुनै टिप्पणी दिन चाहेनन। ‘तोप्देन भोटिया एक महिना अघिदेखि पार्टीमा सक्रिय थिएन। पार्टीमा सक्रिय नभएका व्यक्तिले राजीनामा दिँदा केहि हुँदैन। यस्ता व्यक्तिहरू आउँछन् जान्छन्। यसकारण केहि टिप्पणी गर्न चाहन्न्।’ – डा. छेत्रीले भने।
0 Response to "जापभित्र गणतन्त्र नरहेको दाबी गर्दै तोप्देन भोटियाले दिए राजीनामा..... यस्ता व्यक्तिहरू आउँछन् जान्छन् – डा. छेत्री"
Post a Comment
Disclaimer Note:
The views expressed in the articles published here are solely those of the author and do not necessarily reflect the official policy, position, or perspective of Kalimpong News or KalimNews. Kalimpong News and KalimNews disclaim all liability for the published or posted articles, news, and information and assume no responsibility for the accuracy or validity of the content.
Kalimpong News is a non-profit online news platform managed by KalimNews and operated under the Kalimpong Press Club.
Comment Policy:
We encourage respectful and constructive discussions. Please ensure decency while commenting and register with your email ID to participate.
Note: only a member of this blog may post a comment.