बिजेपी बिधायक रविन्दर रवीले दिएको आपत्तिजनक टिप्पणी फिर्ता लिए

डी के वाइबा, कालिमन्युज, कालेबुङ 16 अप्रेल। हिमाचल प्रदेशका बिजेपी बिधायक रविन्दर रवीले नागा अनि गोर्खाहरुले कुकुरको मासु खान्छन भनि दिएको आपत्तिजनक टिप्पणी फिर्ता लिएको बिजेपी अध्यक्ष राजनाथ सिंहले भागोपका प्रतिनिधीहरुलाई भेट गरेर भने। 

उक्त जानकारी भागोप राष्ट्रिय अध्यक्ष रेभरेण्ड् डा एनोसदास प्रधानले दिएका छन। बिजेपी बिधायक रविन्दर रवीले गोर्खाहरुलाई अपमान गर्दै दिएको टिप्पणी प्रति भागोपले कडा बिरोध गर्दै बिजेपी अध्यक्ष राजनाथ सिहलाई पत्रचार गरेपछि आज तिनले भागोपका प्रतिनिधीहरुलाई आफ्नो कार्यलयमा बोलाएर रवीन्दर रवीले उक्त टिप्पणी फिर्ता लिएको स्पष्टिकर दिएको जनाएका छन। 

बिधायक रवीले गोर्खाहरु माथी अपमानजनक टिप्पणी नगरेको तर यसलाई प्रतिपक्षी राजनैतिक पार्टीका नेताहरुले बङ्गाएर प्रस्तुत गरेको राजनाथ सिहलाई लिखित स्पष्टिकरण दिएको भागोपका प्रतिनिधीहरुलाई जानकारी गराएको पनि रेभरेण्ड् एनोसदास प्रधानले जनाएका छन। एकातिर बिजेपीका बिधायकले गोर्खाहरुलाई अपमानजनक टिप्पणी गर्छन भने अर्कोतिर त्यहीँ गोर्खाहरुको भोट पाएर सांसद बनेका बिजेपी नेता जसवंत सिंह भने मौन बस्नु दुर्भाग्यजनक रहेको प्रधानले जनाए।