-->
केन्द्रिय गृह तथा सहकारी मन्त्री अमित शाहले मणिपुरको तामेङलोङ जिल्ला अन्तर्गत लुआङकाव गाउँमा रानी गाइडिनलिउ जनजाति स्वतन्त्रता सेनानी सङ्ग्रहालयको शिलान्यास गर्ने

केन्द्रिय गृह तथा सहकारी मन्त्री अमित शाहले मणिपुरको तामेङलोङ जिल्ला अन्तर्गत लुआङकाव गाउँमा रानी गाइडिनलिउ जनजाति स्वतन्त्रता सेनानी सङ्ग्रहालयको शिलान्यास गर्ने


पीआइबी, नयाँ दिल्ली, 21 नोभेम्बर, 2021। केन्द्रिय गृह तथा सहकारी मन्त्री अमित शाहले भिडियो कन्फरेन्सिङको माध्यमद्वारा इम्फाल पूर्वको शहर सम्मेलन केन्द्रबाट तामलेङलोङ जिल्ला अन्तर्गत लुआङकाव गाउँमा रानी गाइडिनलिउ जनजाति स्वतन्त्रता सेनानी सङ्ग्रहालयको शिलान्यास गर्नेछन्। यस अवसरमा मणिपुरका मुख्यमन्त्री नोङथोम्बाम बिरेन सिंहका साथमा केन्द्रिय जनजाति मन्त्री अर्जुन मुण्डा लगायत अन्य गन्यमान्यगण उपस्थित रहनेछन्।
केन्द्रिय जनजाति मामिला मन्त्रालयलले 15 करोड रुपियाँको अनुमानित लागतमा परियोजना अनुमोदन गरेको । राज्यको मन्त्री मण्डलले तामेङलोङ जिल्लाको लुआङकाव गाउँमा उक्त सङ्ग्रहालय निर्माण गर्ने निर्णय गरेको हो, जहाँ प्रसिद्ध स्वतन्त्रता सेनानी रानी गाइडिनलिउको जन्म भएको थियो तथा उनकै नाममा रानी गाइडिनलिउ जनजाति स्वतन्त्रता सेनानी सङ्ग्रहालयको नामाकरण गर्ने पनि निधो गरेको हो।  जनजाति मामिला मन्त्रालयले 15 नोभेम्बरदेखि आजादीको अमृत महोत्सव सप्ताह पालन गर्दै आएको छ भने प्रधानमन्त्रीले यसलाई जनजातीय गौरव दिवसको रूपमा शुभारम्भ गरेका थिए। 
रानी गाइडिनलिउको जन्म 26 जनवरी, 1915 मा मणिपुरको तामेङलोङ जिल्लाको ताओसेम महकुमा अन्तर्गत लुआङकाव गाउँमा भएको थियो। तेह्र वर्षकै कलिलो उमेरमा उनी जादोनाङका अनुयायी बन्दै उनको सामाजिक, धार्मिक र राजनीतिक आन्दोलनमा सहभागी बनेकी थिइन्। जादोनाङसँग आबद्ध बनेको चार वर्षपछि करिब 1926 वा 1927 तिर उनी बृटिश शासन विरुद्ध लड्न सेनानी बन्न तयार बन्नपुगेकी थिइन्। जादोगाङलाई मृत्युदण्ड दिइएपछि उनले आन्दोलनको नेतृत्त्व आफ्नो हातमा लिइन्। जादोगाङको वीरगतिपछि उनले बृटिश विरुद्ध गम्भीर आन्दोलन शुरु गरिन्, सको निम्ति उनलाई 14 वर्षको कारावास सजाय दिइयो र सन् 1947 मा मात्र उनी बन्दीमुक्त बनिन्। 
बृटिश विरुद्ध उनको सङ्घर्षलाई कदर गर्दै उनलाई रानी भनी बोलाउन थालियो। उनलाई भारतले स्वतन्त्रता हासिल गरेपछि मात्र तुरा कारागरबाट मुक्त गरियो। रानी गाइडिनलिउको मृत्यु 17 फेब्रुअरी, 1993 मा उनकै आफ्नो जन्मथलो लुआङकाव गाउँमा भएको थियो। 
सन् 1972 मा उनलाई ताम्रपत्र तथा 1982 मा पद्मभूषण प्रदान गरिएको थियो भने सन् 1983 मा विवेकानन्द सेवा सम्मान र 1991 मा स्त्रीशक्ति पुरस्कार अनि मृत्युपश्चात् 1996 मा भगवान बिरसा मुण्डा पुरस्कार प्रदान गरिएको थियो। भारत सरकारले 1996 मा रानी गाइडिनलिउको स्मृतिमा डाक टिकट पनि जारी गरेको थियो। उनको शतवार्षिकी जन्मजयन्तीको अवसरमा प्रधानमन्त्रीद्वारा 2015 मा एक सय रुपियाँ तथा पाँच रुपियाँको सिक्का पनि जारी गरेको थियो। भारतीय तट सेनाद्वारा 19 अक्टोबर, 2016 को दिन “आइसीजीएस रानी गाइडिनलिउ” द्रूत गस्ती नौका परिचालनमा ल्याएको थियो। 
मणिपुरमा पर्यटनको अपार सम्भावना छ र यस परियोजनाले राज्यको सामाजिक-आर्थिक विकासका साथै पर्यटन विकासमा पनि धेरै सघाउ पुऱ्याउनेछ। (पीआइबी)

Related Posts

0 Response to "केन्द्रिय गृह तथा सहकारी मन्त्री अमित शाहले मणिपुरको तामेङलोङ जिल्ला अन्तर्गत लुआङकाव गाउँमा रानी गाइडिनलिउ जनजाति स्वतन्त्रता सेनानी सङ्ग्रहालयको शिलान्यास गर्ने"

Post a Comment

Disclaimer Note:
The views expressed in the articles published here are solely those of the author and do not necessarily reflect the official policy, position, or perspective of Kalimpong News or KalimNews. Kalimpong News and KalimNews disclaim all liability for the published or posted articles, news, and information and assume no responsibility for the accuracy or validity of the content.
Kalimpong News is a non-profit online news platform managed by KalimNews and operated under the Kalimpong Press Club.

Comment Policy:
We encourage respectful and constructive discussions. Please ensure decency while commenting and register with your email ID to participate.

Note: only a member of this blog may post a comment.