अस्तिको भूकम्पले जनताको मन घर तिर ...........के होला आउदो दिनमा ?

राजेश शर्मा र एजेंसी, कालिमन्युज, 27 अप्रेल 2015, काठमाण्डु । भूकम्पको महाविपत्ति पछि नेपालमा रहेका भारतीय नागरिकहरुलाई भारत तिर फर्काउने भारत सरकार एंव नेपाल सरकारले जमर्को कसेको खबर प्रकासमा आएको छ । भूकम्पले काठमाण्डु उपत्यका लगायत नेपाल देशैभरको जनजीवन अत्यंतै प्रभावित छ, भारतीय नागरीक भ्रमण लगायत काम काजको निम्ति गएकाहरु आ-आफ्नो घर फर्किन आतुर देखिन्छन् ।

भूकम्पपछि बढेको सन्त्रासको कारण यातायात लगायतका सहायताहरु समेत नियमित सञ्चालन हुन नसक्दा भारतीय नागरिकहरु हवाई मार्ग भएर् पनि आफ्नो देश फर्किन हतारिएको खबर छ । नेपालमा भूकम्पसले ध्वंस पारेको खबरले परिवारलाई पीडा भएपछि उनीहरु अब नेपालमा केही पनि नरहेको सोच बनाएर तिनीहरु आफ्नो देश फर्किन हतारिएका छन । भारतीय नागरीकहरुलाई भारत फर्काउने उद्धेस्य लगायत उद्दारका लागि भारतका कतिपय टेलीफोन कम्पूनीहरुले कल चार्जहरुमा पनि छुट दिएको छ । 

नेपालमा यातायात मार्गहरु बन्दहुदाँ त्रिभुवन अन्तर्राष्ट्रिय विमानस्थलमा सोमवार बिहानदेखी नै लगभग एक हजारको संख्यामा भारतीय नागरिकहरु आफ्नो देश फर्किन लाइन लागेका देखीयो । अहिले घरि विभिन्न प्रान्तदेखी कामको निम्ति नेपालको काठमाण्डु शहरमा बसोबासो गरिआउनेहरुको मृत्यु काठमाण्डुमा आएको भूकम्पको चपेटमा परेको खबरको त्रासले गाउँ फर्किन थालेका छन् । सोमवार विहान नेपालको पत्रकार अनि भारतको टोलीले कलंकी, नयाँ वानेश्वर र मीन भवनमा गाउँ फर्किने तयारीमा रहेका केही युवासँग कुराकानी माध्यमवाट निधो लागेको छ । काठमाण्डुमा ट्याक्सी चलाउने ड्राइभरहरुले आफ्नै आमासँग टेलिफोन सम्पर्क नभएकाले उनले छिमेकीसँग आफ्नो घरको बारेमा बुझिरहेका थिए । 

पहिलो दिनको भूकम्पले घर पुरै भत्किए पनि आमा सुरक्षित भएको जानकारी पाएको तर उनले आइतवार दिउँसोको भूकम्पबारे भने कुनै जानकारी पाउन सकेनन् । तिनजनाका मान्छेहरुको फोन स्वीच अफ छ, एउटा भाइकोमा बल्ल बल्ल फोन लागेको थियो तर कुरा हुनै पाएन’ उनले यो सम्पूर्ण कुरा बताएका छन् । काठमाण्डुमा दुई दिन पालमुनि बसेकी शर्मिला भन्दै थिइन् ‘मरे पनि आमाकै छेउमा मर्छु । छतमा बसेर भए पनि आज गाउँ जान्छु । नेपाल सरकारले भने नआत्तिनु र लामो दुरीको यात्रामा ननिस्कन सर्वसाधारणलाई सतर्क गराएको छ । 

भौतिक पूर्वाधार तथा यातायात व्यवस्था मन्त्री विमलेन्द्र निधीले सोमबार यातायात व्यवसायीसँग छलफल गरी अब यातायातका साधन सुचारु गर्न निर्देश दिएका छन् । मन्त्रीको निर्देशनपछि यातायात व्यवस्था विभागले यातायात मजदुर संगठनका प्रतिनिधि, यातायात व्यवसायी एवं ट्राफिक पुलिसहरुलाई सोमबार अपरान्ह संयुक्त बैठक आयोजना गरी यातायात व्यस्था सुचारु गर्नेबारे छलफल हुने खबर प्राप्त छ । 

राजधानीको बालाजु, माछापोखरीमा भयानक भुकम्पको चपेटमा परेर भत्केको घरभित्र पुरिए पनि जीवितै फेला परेका एक युवकको उद्दारको प्रयास भैरहेको छ । उनी रसुवाका 20 वर्षीय जुन केसी हुन् ।उनको कम्मरभन्दा मुनिको भाग घरको बिम र पाइपहरुले च्यापिएको छ । तर उनी बोल्न र कुराकानी गर्न सक्छन् । सोमबार बिहान दुईपटक उनले पानी मागेपछि पानी पिलाइएको छ । तिनको उद्दार गर्न उद्दार् टोलीले बिम काट्ने र एस्काभेटर लगाएर उद्धार गर्ने योजना बनाएको थियो तर यसो गर्दा ज्यान जाने खतरा भएपछि सशस्त्र प्रहरीको टोलीले नयाँ योजनाका साथ उनको उद्दारको प्रयास गरिरहेको छ