जलढक्कामा गोक्षेप्रद्वारा मोडल स्कूल, कलेज र विध्युतिकरणको आधारशिला स्थापन सम्पन्न

डी के वाइबा, कालिमन्युज, जलढक्का 17 फरवरी 2014: दार्जीलिङ जिल्लाको कालेबुङदेखि 118 किमी टाडो भारत भोटाङ सिमा क्षेत्रमा अवस्थित जलढक्काको झोलुङ्मा गोर्खाल्याण्ड क्षेत्रिय प्रसाशनका प्रमुख कार्यकारी बिमल गुरुङ्ले तिनवटा प्रस्तावित निर्माण र कार्यक्रम प्रारम्भ भएको घोषणा गरे।
यसभेगको विकाश गर्ने उद्धेश्यले गोर्खाल्याण्ड क्षेत्रिय प्रसाशन (जीटीए) अंतर्गत तिनवटा बेग्ला बेग्लै बिभाग अंतर्गत एउटा मोड्ल स्कूल, कलेज अनि विध्युतिकरणको शुभारम्भ गुरुङ्ले गरेको घोषणा तिनले गरे।

आज झोलुङको खेल मैदानमा गोर्खाल्याण्ड क्षेत्रिय प्रसाशनद्वारा आयोजित एक कार्यक्रममा प्रमुख अतिथिको रुपमा उपस्थित् बिमल गुरुङ्ले शिक्षा विभाग अंतर्गत जलढक्का उच्चतर माध्यमिक विध्यालयको निम्ति मोड्ल रुरल स्कूल भवनको अधारशिला राखे।
“जीटीएले सम्पूर्ण क्षेत्रको सर्वाङ्गिन बिकाश गर्ने लक्ष्य राखेको छ। हामी सम्पूर्ण पहाडमा बिकाशमूलक कार्यहरु गर्नेछौँ” गुरुङले कार्यक्रमलाई सम्बोधन गर्दै भने। क्षेत्रको शैक्षिक बिकासमा गोर्खायाण्ड क्षेत्रीय प्रशासनले ध्यान दिएको बताउँदै शिक्षा विभाग अन्तर्गत जलढक्का उच्चतर माध्यमिक विध्यालयको निम्ति मोड्ल रुरल स्कूल भवनको निर्माण गरिने घोषणा गरे।

तिनले यस भेकको शैक्षिक विकाश गर्न जलढक्का उच्चतर माध्यमिक विध्यालयलाई एक आदर्श शिक्षाको केन्द्र बनाउने उद्धेश्य रहेको र यसैको निम्ति 6 करोडको लागतमा यो मोड्ल स्कूल भवन निर्माण हुने घोषणा गरे।
“चुनाव आचार संहिता लाग्न अगावै हामी सम्पूर्ण क्षेत्रमा बिकासमूलक कार्यहरु गर्न चाहन्छौँ। सरकारबाट प्राप्त दुईसय करोड खर्च गर्नुपर्नेछ। हाम्रो हातमा समय एकदमै कम छ यसकारण कम समयमा हामी धेरै बिकास कार्य गर्न तत्पर छौँ” बिमल गुरुङले भने।
तिनले कार्यक्रमलाई सम्बोधन गर्ने क्रममा क्षेत्रको बाटोलाई फराकिलो बनाउँने बताउँदै यसको निम्ति राज्य अनि केन्द्र सरकार समक्ष आवश्यक पहल गर्ने पनि बताएका छन।
यसै दिन उक्त कार्यक्रमबीच प्रमुख कार्यकारी गुरुङ्ले गैरिबासको नक्सलमा स्थापित गरिने प्रस्तावित एक मल्टिपल डीसिप्लिनेरी कलेजको पनि आधारशिला त्यही राखे। गोक्षेप्रको उच्च शिक्षा विभाग अन्तर्गत यो बहुविषयक महाविध्यालय यहाको सिन्कोना र औषधिय बगानको जमिनमा निर्माण हुने तिनले बताए। सोही कार्यक्रममा तिनले बिद्युत बिभाग अन्तर्गत राजीव गान्धी ग्रामीण विध्युतिकरण योजनाको पनि उद्घाटन गरे।
यसक्रममा तिनले कार्यक्रमलाई सम्बोधन गर्दै कालेबुङ महकुमाको ग्रामीण विध्युत पूर्वाधार् र् गृह विध्युतिकरणको पनि काम आजैदेखि प्रारम्भ भएको घोषणा गरे। यसका साथै कालेबुङ महकुमाको अत्यन्तै दुर्गम क्षेत्र मानिने तोदेमा पनि ग्रामीण विध्युतिकरण योजनाको उद्घाटन गरे। शक्ति (पावर) विभाग अंतर्गत राजीव गान्धी ग्रामीण विध्युतिकरण योजनाको उद्घाटन यसै कार्यक्रममा गरे।

विध्यालय शिक्षाका कार्यकारी सदस्य सभासद रोशन गिरीको अध्यक्षतामा सम्पन्न आजको कार्यक्रममा गोक्षेप्रका डेपुटी स्पिकर तथा क्षेत्रिय सभासद डा लोब्साङ लामा, महाविध्यालय शिक्षा अनि लाइब्रेरि विभागका कार्यकारी सदस्य सभासद डा राम भुजेल, अनि सिन्कोना विभागका कार्यकारी सदस्य सभासद सामुएल गुरुङ लगायत सभासद दावा लेप्चा, चन्द्र योंन्जन आदि उपस्थित थिए। सभामा शिक्षा विभागीका कार्यकारी निर्देशक के के लोहार, कार्यकारी अभियन्ता अनि विभागीय सचिव सोनाम भुटिया अन्य अधिकारीगण आदि उपस्थित थिए।