ON SALE




ON SALE
19 decimal private land with a House
at Sabitri Ghising Road, Bong Busty Kalimpong.
Single storied house has 3 Bedrooms,
Living room, Kitchen & Dining room,
3 Bathroom-cum-toilets
Contact: thulungakrai@gmail.com
or 9434131719


12 Apr 2017

रङ्गहरूसँग रमाउने चित्रकारहरू

डी.के. वाइबा, कालिमन्युज, कालेबुङ 11 अप्रेल। ‘रङ्गहरूसँग मितेरी साइनो लगाएर रमाउनु पाउँदा चिन्तामुक्त हुनेगर्छौँ। कुची समाएर रङ्गहरूसँग खेल्न पाउँदा आफैलाई हराएका हुन्छौँ’ कालेबुङ आर्टिस्ट एसोसिएसनका चुँडामणी लाबरले भन्दै थिए। उनी मस्तिष्कमा निर्मित चित्र कुची समाएर ध्यानमग्न कोरिरहेका थिए। 
उनीसँगै अन्य चित्रकारहरूले पनि आ-आफ्ना कुचीले सुन्दर चित्रहरू कोरिरहेका थिए। 
कार्यक्रम थियो ‘लाइभ चित्रकला प्रदर्शनी’ जसको आयोजना गरेको थियो कालेबुङ आर्टिस्ट एसोसिएसनले। कालेबुङको टाउन हलमा आयोजित चार दिवसीय उक्त चित्रकला प्रदर्शनीको दोस्रो दिन चित्रकारहरूले लाइभ चित्र कोर्ने कार्य गरेका थिए। जसलाई हेरेर दर्शकवर्ग मख्ख बनिरहेका देखिन्थ्यो। कार्यक्रममा कालेबुङ, दार्जीलिङ अनि सिक्किमका 13 जना चित्रकारहरूले भाग लिएका थिए। 
‘चित्रकारहरूका निम्ति रङ्गहरूसँग खेल्न पाउनुको आनन्दनै वेग्लै हुनेगर्छ। रङ्गहरूलाई यता-उता पोतेर सुन्दर आकृती दिने हाम्रो चाहना हुनेगर्छ’ दार्जीलिङबाट आएका चित्रकार हरिस सुब्बाले भन्दै थिए। उनले हिमालयको सुन्दर नक्सा कोर्दै थिए अनि भने ‘लाइभ चित्रकलामा वास्तवमा देखिएका प्राकृतिक सुन्दरतालाई चित्रमा उतार्नु साह्रै आनन्द आउँछ। यसले हामीलाई रङ्गहरूको प्रयोग सँगै रमाउन पनि सिकाउँछ’। यद्यपी चित्र बनाएको स्थानबाट बाहिर खुल्ला नभएको कारण भने आफुहरूले मस्तिष्कमा निर्मित चित्रलाई नै साकर रूप दिने कार्य गरिरहेको पनि सुब्बाले बताइरहेका थिए। 
‘जब हामी कुची समाएर रङ्गहरूसँग खेल्न थाल्छौँ तब सम्पूर्ण थकानहरुलाई बिर्सेर एकाग्र बनेका हुन्छौँ। त्यसबेला वास्तवमा भन्नु हो भने हामी हाम्रै कलाकृती निर्माणमा आफैभित्र हराएका हुन्छौँ’ सिक्किमका चित्रकार कमल राईले भन्दै थिए। उनले लाइभ चित्रकलामा बाहिरबाट दर्शकवर्गले आंशिक प्रभाव पारेर समस्या हुनसक्ने सम्भावना व्यक्त गर्दै त्यसलाई रोकथाम गर्नका निम्ति कलाकार एकचित्त बन्न आवश्यक रहेको पनि बताए। 
यता कालेबुङ आर्टिस्ट एसोसिएसनका सचिव टिका प्रधानले पत्रकारहरूसँग कुराकानी गर्दै कलाकारहरूलाई प्रोत्साहन प्रदान गर्न अनि कला प्रेमीहरूलाई कलाको मनोरञ्जन प्रदान गर्न उक्त प्रदर्शनी आयोजना गरेको जानकारी दिएका छन्।

Digg Google Bookmarks reddit Mixx StumbleUpon Technorati Yahoo! Buzz DesignFloat Delicious BlinkList Furl

0 comments: on "रङ्गहरूसँग रमाउने चित्रकारहरू"

Post a Comment

Kalimpong News is a non-profit online News of Kalimpong Press Club managed by KalimNews. It is published simultaneously in this site as well as http://kalimpongnews.net.
Please be decent while commenting and register yourself with your email id. Your id will be kept secret, as far as practicable.

Popular Posts