अब एलपीजी ग्यासको बायोमेट्रिक रि-केवाईसी आफै गर्न सकिने : केवल दुई एप्स प्रयोग गरेर स्व प्रमाणीकरण सम्भव

कालिमन्युज, कालेबुंग, १९ दिसम्बर २०२३ :  इन्डेन एलपीजी Indane LPG ग्यास ग्राहकहरूले आफ्नो केवाइसी KYC आफै आधार कार्ड संग लिंक गर्न सक्नेछन | अब उनीहरूले डिलरको कार्यालयमा जान पर्नेछैन । उपभोक्ताहरु साथै डिलरहरुले भोग्न परेको समस्याहरुलाई मध्ये नजरमा राख्दै Indane ले दुई अनलाइन एपहरूको सहयोगमा उपभोक्ताहरूलाई रिकेवाइसी ReKYC गर्न सहज विधि उपलब्ध गराएकोछ। Re-KYC गर्नका लागि, उपभोक्ताहरूले दुईवटा एप डाउनलोड गरेर त्यसलाई  इन्स्टल गर्नुपर्नेछ।

यी दुई एपहरू IndianOilONE र AadharFaceRd (Early Access) हुन्। यी एपहरू एलपीजी बुक गर्न प्रयोग गरिने  र आधार UID लिंक गर्न प्रयोग गरिने उपभोक्ताको एउटै सिम भएको मोबाइलमा इन्स्टल गर्नुपर्छ | 

अनलाइन मोडमा उपभोक्ताले IndianOilONE एप इन्स्टल गरिसकेपछि, साइन अप गरेर (अहिलेसम्म अनलाइन ग्यास बुकिङको लागि साइन अप गरेको छैन भने) उपभोक्ताको मोबाइल नम्बर, इमेल आइडी, पहिलो र दोस्रो नाम उपलब्ध गराएर साइन अप दर्ता गर्नुपर्छ।

त्यसपछि दर्ता गरिएको मोबाइल नम्बरमा पठाइएको ओटीपी लगाउनुपर्छ र पासवर्ड सिर्जना गर्नुपर्छ र अन्य केसहरूमा जस्तै दुई पटक प्रविष्ट गर्नुपर्छ (यसमा 6 वर्णहरू - कम्तीमा एक नम्बर, एक वर्णमाला र एक विशेष वर्ण हुनुपर्नेछ)। एलपीजी आईडी र उपभोक्ता नम्बर र वितरकको नाम र विवरणहरू त्यसैअनुसार प्रमाणीकरण गरिनेछ।

साइन अप प्रक्रिया पूरा गरेपछि IndianOilONE लग इन गर्नुपर्छ र My Profile मेनु मार्फत उपभोक्ताले "ReKYC" बटन र फेस स्क्यानमा जानुपर्छ। फेस स्क्यान सफलतापूर्वक पूरा भएपछी आधार प्रमाणीकरण हुनेछ |

यी दुई एपहरू मार्फत फेस स्क्यान बायोमेट्रिक्स प्रयोग गरेर प्रमाणीकरण पूर्ण गरिन्छ जो अत्याधिक सुरक्षित, प्रयोगकर्ताको लागि सजिलो, र नियम अनुरूप छ।