
‘ग्लोबल गोर्खाल्याण्ड युनिटी मार्च’ कालेबुङमा सम्पन्न
डी.के.वाइबा, कालिमन्युज, कालेबुङ ३० जुलाई। ‘राज्य आतङ्कको हामी पोल खोल्छौँ, सरकारले राज्य माग्ने जनतालाई गरिरहेको अत्याचारको पोल खोल्छौँ। राज्य आतङ्कको पोल खोल्दै हामी एकबद्ध बनि गोर्खाल्याण्ड राज्य प्राप्तिको बाटोमा हिँड्नेछौँ’ सडक नाटक ‘पोल’ प्रस्तुत गर्दै पहल टोलिका नाट्य कलाकारहरूले नाटकको संवादको माध्यमबाट भन्दै थिए।
कालेबुङको मोटर स्ट्याण्डमा ‘ग्लोबल गोर्खाल्याण्ड युनिटी मार्च’ लाई साथ दिँदै हजारौँ मानिसहरू भेला भएका थिए। दैनिक गोर्खाल्याण्डको निम्ति निस्कने राजनैतिक पार्टीहरूको जुलुसको तुलनामा आज मानिसहरू धेरै मात्र भेला भएका थिए।
‘ग्लोबल गोर्खाल्याण्ड युनिटी मार्च’ डम्बर चौकबाट सुरु भएको थियो भने जुलुसमा सहभागी बनेका मानिसहरूले बिभिन्न प्ला कार्डरू बोकेका थिए। पश्चिमबङ्गाल सरकारले आजसम्म गर्दै आइरहेको विभिन्न कार्यहरूको विरोधमा लेखिएका प्ला कार्डहरू बोकेर मानिसहरू ‘ग्लोबल गोर्खाल्याण्ड युनिटी मार्च’ मा सहभागी बनेका थिए।
डम्बर चौकबाट सुरु भएको उक्त मार्च कालेबुङ मोटर स्ट्याण्डमा आइपुगेपछि विभिन्न कार्यक्रमहरू प्रस्तुत गरेको थियो। यस अवसरमा स्व. गोपाल योञ्जनका छोरा निर्माण योञ्जनले ‘झुक्दै नझुक्ने पहाडको छोरो’ गीत प्रस्तुत गरेका थिए। उसरीनै ‘पहल’ सांस्कृतिक टोलिले गोर्खाल्याण्ड आन्दोलनमा आधारित सडक नाटक ‘पोल’ प्रस्तुत गरेका थिए।
‘दार्जीलिङ पहाडमा गोर्खाल्याण्डको आन्दोलन चल्दैछ। आन्दोलनकारीहरूले आधुनिक हतियार चलाउँदैछन् भन्ने खुफिया रिपोर्ट छ। जाऊ तिमीहरू आन्दोलनकारीको घरमा छापामारी अभियान चलाऊ अनि हतियार बरामद गर्...’ नाट्यकलाकारहरूले राज्य सरकारले गोर्खाल्याण्ड आन्दोलनलाई कसरी हेरिरहेको छ अनि पुलिस लगाएर कसरी आन्दोलन दबाउँने प्रयास गरिरहेको छ भन्ने सन्देश नाटकबाट दिएका थिए। यसक्रममा पुलिसले उद्धार गरेको कोदालो, फरूवा, आर्चेरी जस्ता सामग्रीहरुलाई आधुनिक हतियार भनि देखाइएको कुरालाई पनि नाटकको माध्यमबाट देखाउँदै अन्तमा छुट्टै राज्य गोर्खाल्याण्डको निम्ति सङ्गठित बनेर लड्नुपर्ने आह्वान नाटक मार्फत गरिएको थियो।
0 Response to "‘ग्लोबल गोर्खाल्याण्ड युनिटी मार्च’ कालेबुङमा सम्पन्न"
Post a Comment
Disclaimer Note:
The views expressed in the articles published here are solely those of the author and do not necessarily reflect the official policy, position, or perspective of Kalimpong News or KalimNews. Kalimpong News and KalimNews disclaim all liability for the published or posted articles, news, and information and assume no responsibility for the accuracy or validity of the content.
Kalimpong News is a non-profit online news platform managed by KalimNews and operated under the Kalimpong Press Club.
Comment Policy:
We encourage respectful and constructive discussions. Please ensure decency while commenting and register with your email ID to participate.
Note: only a member of this blog may post a comment.