काश्मिरमा भारतीय सेना र विद्रोहीबीच १२ घण्टादेखि भिडन्त जारी

आजको खबर अनि कालिमन्युज, २०७३ असोज २४ सोमबार:काश्मिर (भारत), २४ असोज, भारत प्रशासित श्रीनगरको एक होस्टलमा भारतीय सेना र विद्रोही समूहबीच आज बिहानैबाट सुरु भएको भिडन्त अझैसम्म रोकिएको छैन । 

श्रीनगरको सेम्पोराको पम्पोरस्थित स्वावलम्बी विकास संस्थाको होस्टलमा छिरेका विद्रोहीलाई लक्षित गरी भारतीय सेनाले गरेको कारबाही अझैसम्म रोकिएको छैन । सो भिडन्तमा सेनाका एक जवान घाइते भएको जनाइएको छ भने अन्य घाइते, मृतक वा धनजनको क्षतिको विवरण अझैसम्म आउन सकेको छैन । 

जम्मू–श्रीनगर राजमार्गमा बनेको सो इन्स्टिच्युटको आसपास अहिले कर्फ्यु लगाइएको छ । सोमबार बिहान होस्टलको छतबाट धुँवा निस्किएको देखेपछि चौकीदारले पुलिसलाई खबर गरेका थिए । आगो निभाउन सुरक्षाकर्मी त्यसतर्फ प्रस्थान गरेपछि होस्टल भित्रबाट गोलीबारी भएको प्रहरीले जनाएको छ । त्यसको केही समयपछि सुरक्षा बल, अर्धसैनिक बल र पुलिसले सो होस्टललाई घेराबन्दी गरी सन्दिग्ध चरमपन्थीहरुलाई खेद्ने प्रयास गरेका थिए । तर 24 घण्टा बितिसक्दा पनि सफल हुन सकेका छैनन् ।
अबेर रातीसम्म सेनाले टाडैबाट आक्रमण गरेर गोलीबारी बम्बारी अनि रकेटले हिर्काउँदा सम्म आतँकवादीहरुको पत्तो फाँट लाग्न सकेको छैन। यस सात तल्ले भवनमा 70 कमरा छन जसमध्ये कँहा आश्रय लिएर आतँकवादी बसेका छन सो पत्तो लगाउन सकिएकोछैन। भोली बिहानैदेखि पुन सैनिक कार्यवाही गर्न आज सिज फायर गरिएको सेना सुत्रले जनाएकोछ।

यो भवनमा गत फेब्रुअरीमा पनि चरमपन्थी घुसेका थिए । त्यसबेला पनि करिब ४८ घण्टा सेना र बिद्रोहीबीच मुठभेड भएको बीबीसीले जनाएको छ । सो आक्रमणमा १ सर्वसाधारण नागरिक, ४ चरमपन्थी र ३ सुरक्षाबलका जवानको मृत्यु भएको थियो । त्यस घटनापछि यो संस्थान बन्द गरिएको थियो तथापी यँहा एक खाना पकाउने र दुई कर्मचारी बस्दैथे जो सुरक्षित निस्कन सफल भएका थिए।
सेप्टेम्बर १८ तारिखमा काश्मिरको उरी स्थित भारतीय सेनालाई लक्षित गरी चरमपन्थीहरुले गरेको आक्रमणमा १९ सैनिकको ज्यान गएको थियो । त्यसपछि भारत र पाकिस्तानबीच निक्कै तनाव बढेको छ ।