कालेबुङ शहरमा माग्दै हिँडेहरूको बड्दैछ रग्-रगी
डी.के. वाइबा, कालिमन्युज, कालेबुङ 17 जून। ‘जोगी फकिरलाई दान नगर्नुहोस। बरू यस्ता लुला लङ्गडाहरू र अन्धाहरूलाई दान दिए श्री पशुपतिनाथले तपाईँको कल्याण गर्नुहुनेछ’ - यस्ता पंक्ति लेखिएका पर्चा हातमा बोकेका माग्नेहरू दैनिक कालेबुङको मोटर स्ट्याण्ड, डम्बर चौक, मेन रोड, सि.के चौक, हाटबजार आदि स्थनहरूमा दिनभरी वाहनमा सवार यात्रीहरूलाई दिक्कै पार्दै हिँड्ने गर्छन्।
एक्ला-एक्लै मागेर हिँड्ने यिनीहरूको वास्तवमा ठूलै जत्था जमिएको छ कालेबुङ शहरमा। इ.आर.आर.डि. मिल्स, फेवाताल, पोखरा, नेपालद्वारा जारि गरिएको मागेर खाने जेरोक्स पत्र छ उनीहरूको हात-हातमा। समुहमा माग्नेहरू जतिजना छन् उनीहरूले एकार्कालाई नचिन्ने दाबी पनि गर्छन्।
प्रत्येकको मागेर खान दिइएको प्रमाण पत्रमा ‘यसको नाउँ हरिराम पाण्डे हो। यो पोखरा फेवातालमा बस्छ। ...उनीहरू कसैको पनि जिब्रो छैन’ भनि लेखिएको छ। तर प्रमाण पत्र बोकेर माग्नेहरू भने पूर्ण रूपले सपाङ्ग छन्। उनीहरूको हात-खुट्टा, जिब्रो सबै राम्रो हुँदा हुँदै पनि वाहनमा सवार यात्रीहरूलाई दैनिक मागेर हत्तु हैरान पारिरहेका छन्।
मागेर हिँड्नेहरूमा सबैको मिल्दो जुल्दो भने फेवाताल नेपालबाट जारी गरिएको जेरोक्स प्रमाण पत्र छ। जसलाई देखाएर उनीहरू वाहनमा यात्रीहरूलाई खेदि खेदि मागेर हिँड्छन्। कहिले कहीँ सानो नानीलाई पनि काखीमा च्यापेका हुन्छन् अनि भन्छन् – ‘पैसा दिनुहोस नानी हप्ता दिनदेखि भोकै छन्’। यस्ता विलौना सुन्नेहरूले कतिचोटि भावुक भएर पैसा अनि खाध्यान्न दिने गर्छन् भने पैसा र खाध्यान्न पाएपछि रहल छरिएका माग्नेहरू त्यस दानी व्यक्तिलाई धेर अझ विलौना गर्दै माग्न झुत्तिने गर्छन्।
‘हरिराम पाण्डे’ त्यो नाउँ हो जुन नाउँ मागेर खाने प्रमाण पत्रमा लेखिएको छ अनि सोही बिरामीको नाउँ गरेर उनीहरूले मागीरहेका छन्। तर त्यहीँ मागेर हिँड्नेहरू भने आफैलाई ‘मण्डल’ जात बताउँछन्।
यसबारे प्रश्न गर्दा आफैलाई सङ्गीत मण्डल बताउँनेले भनिन् - ‘हामी गरिब छौँ, मागेर खान बाहेक हामीसँग अर्को कुनै विकल्प नै छैन’। उनले हाल कालेबुङमा आफुहरू मोठ सातजना माग्नेहरू रहेको बताउँदै सबैजना एउटै परिवारका सदस्यहरू रहेको जनाइन्।
यसक्रममा उनले हामी आफुहरू पेदोङमा बस्ने गरेको पनि बताइन्। उनलाई अन्य बिरामीको नाउँमा किन माग्दै हिँडेको भनि प्रश्न गर्दा उनले केहि भन्न मानिनन्।
यसक्रममा अन्य मानिसहरूले पनि उनीहरूले बोकेका प्रमाण पत्र पडेर एकाधिक प्रश्न गर्न थालेपछि भने सङ्गीत मण्डल सँगै रहेका अन्यहरू त्यस स्थानबाट आना-कानी गर्दै बहाना बनाएर चम्पट कसिन्।
यसरी नै यहाँको डम्बर चौकमा ‘हरिराम पाण्डे’ कै नाउँमा माग्दै हिँडिरहेकी पुनमले आफु प्रत्येक सप्ताहको शनिबार अनि बुधबार सिलगडीबाट कालेबुङ माग्न आउने गरेकी बताइन्। उनले आफु सँग अन्य कोहि माग्न नआएको बताउँदै हरिराम पाण्डेको नाउँमा माग्दै हिँडेका अन्यहरूलाई आफुले नचिन्ने बताइन्।
यसरी एउटै नाउँ गरेर यात्रीहरूलाई मागेर हिँडेकाहरूलाई क्यामेरामा कैद गर्दै प्रश्न गर्न थालेपछि उनीहरू एकाएक त्यस क्षेत्रबाट नै चम्पट कसेको देखियो।
कालेबुङ शहरमा यसरी अवैद्य विरामीको जेरोक्स प्रमाण पत्र बोकेर माग्दै हिँड्नेहरूको रग्-रगी बड्दै गइरहे पनि स्थानीय प्रशासनले भने यसबारे आजसम्म आँखा चिम्लेर बसेको छ। न त नगर प्रशासनले यसबारे कुनै पदक्षेप ग्रहण गरेर कार्य गरेको छ न त पुलिस प्रशासनले नै यसबारे कुनै कार्य नै गरेको छ। जसको कारण यसरी बेनामी मागेर खानेहरूको अड्डा शहरमा बड्दै गइरहेको छ।
0 Response to "कालेबुङ शहरमा माग्दै हिँडेहरूको बड्दैछ रग्-रगी"
Post a Comment
Disclaimer Note:
The views expressed in the articles published here are solely those of the author and do not necessarily reflect the official policy, position, or perspective of Kalimpong News or KalimNews. Kalimpong News and KalimNews disclaim all liability for the published or posted articles, news, and information and assume no responsibility for the accuracy or validity of the content.
Kalimpong News is a non-profit online news platform managed by KalimNews and operated under the Kalimpong Press Club.
Comment Policy:
We encourage respectful and constructive discussions. Please ensure decency while commenting and register with your email ID to participate.
Note: only a member of this blog may post a comment.