पीएचई विभागको खोलिन्दैछ लापारवाहीको पोल महकुमा अस्पतालमा पानीको हाहाकारले आपतकालिन अपरेशन रद्द
डी के वाइबा, कालिमन्युज, कालेबुङ 5 मई। पिउने पानीको हाहाकार रहेको कालेबुङ शहरमा जन सवास्थ्य अभियन्ता विभागले अस्पतालमा समेत पानी सर्वराह गर्न सकेको छैन। जसको कारण आज एउटा आपतकालिन अपरेसन समेत रद्द गर्नुपरेको थियो। प्राप्त जानकारी अनुसार कालेबुङ महकुमा अस्पतालमा दैनिक तालिका अनुसार विहान दस बजे प्राय: बिरामीहरूको अपरेशन हुने गर्दछ। उक्त समयमा पीएचई विभागले आपतकालिन सेवा अस्पातामा समेत पानी सर्वराह नगरेपछि अस्पतालमा हो-हल्ला मच्चिएको हो।
यसक्रममा पानीको अभाव अस्पतालमा देखा परेपछि अस्पतालका कर्मचारीवर्गले महकुमा अस्पताल अधिक्षकलाई दवाऊ बनाउने कार्य गरेको थियो। अस्पतालमा यसरी विभागले पानी सर्वराह नगरेको कारण आज एकजना विरामीको अपरेशन समेत रद्द गर्नु परेको थियो। विरामीका परिवार पक्षले अपरेशनका निम्ति पानी किनेर ल्याउने अस्पताल पक्षलाई बताएपछि आखिरमा अस्पताल पक्षले बाध्य बनेर आफै पानी किन्न परेको थियो। जसको कारण निर्धारित समयमा रद्द भएको अपरेशन पछि दुईघण्टा ढिलो गरेर भएको जानकारी प्राप्त भएको छ।
अस्पतालमा पानीको अभाव रहेको कारण कर्मचारीवर्गले महकुमा स्वास्थ्य अधिक्षकलाई दवाऊ बनाउने कार्य गरेपछि उनले तत्कालै पीएचई विभागलाई जानकारी दिएको थियो।
यसैक्रममा पछिबाट कालेबुङ नगरपालिकाले पनि महकुमा अस्पतालमा पानी उपलब्ध गराउने कार्य गरेको थियो। यसैक्रममा अस्पतालमा पानीको अभावले निक्कै तनाव सिर्जना भएपछि पीएचई विभागका कर्मचारी महेन्द्र छेत्री आइपुगेका थिए। उनी अस्पतामा आइपुगेपछि उनै सँग़ै विभागको पानी पनि आएको थियो। जसलाई देखाएर उनले अस्पतालमा अघिबाटै पानी आइरहेको दाबी गर्दा उनी चारैतिरबाट विरोधको सम्म्मुखिन हुन परेको थियो। अस्पतालमा उपस्थित विरामीका आफन्तजनहरूले पनि उनको जोडदार विरोध गरेपछि उनी जसो तसो अस्पतालबाट आफ्नो बाटो लाग्न सकेका थिए।
प्राप्त जानकारी अनुसार कालेबुङ महकुमा अस्पतालमा सम्पूर्ण कार्य सुचारू हुनका निम्ति एक लाख लिटर पानीको आवश्यक्ता पर्ने गर्दछ। अस्पतालमा पानीको यत्रो आवश्यक्ता भए पनि विभागले भने आज केवल 10-12 हजार लिटर पानी दिएको कर्मचारीवर्गले बताएका छन्। यदि उनीहरूले पानी अस्पतामा दिन सक्दैन भने अस्पताललाई बन्द गर्नु पर्ने अवस्थामा पुग्ने पनि कर्मचारीवर्गले बताएका छन्। शहरवासीलाई पिउने पानी सर्वराह गर्न नसकेको कालेबुङ जनस्वास्थ्य अभियन्ता विभागले यसरी आपतकालिन सेवाका निम्ति अस्पतालमा समेत पानी सर्वराह गर्न नसकेको घट्नाले विभागको लापारवाहीको पोल खोलिएको छ।
0 Response to "पीएचई विभागको खोलिन्दैछ लापारवाहीको पोल महकुमा अस्पतालमा पानीको हाहाकारले आपतकालिन अपरेशन रद्द"
Post a Comment
Disclaimer Note:
The views expressed in the articles published here are solely those of the author and do not necessarily reflect the official policy, position, or perspective of Kalimpong News or KalimNews. Kalimpong News and KalimNews disclaim all liability for the published or posted articles, news, and information and assume no responsibility for the accuracy or validity of the content.
Kalimpong News is a non-profit online news platform managed by KalimNews and operated under the Kalimpong Press Club.
Comment Policy:
We encourage respectful and constructive discussions. Please ensure decency while commenting and register with your email ID to participate.
Note: only a member of this blog may post a comment.