हिल सोसीयल वेल्फेयर सोसाइटी भारत नव निर्माण रतन पुरस्कारले सम्मानित

डी के वाइबा, कालिमन्युज, कालेबुङ, 12 जुन 2014: कालेबुङ्को हिल सोसियल वेल्फेयर सोसाइटीलाई 2014 को भारत नव निर्माण रतन पुरस्कारले सम्मानित गरिएकोछ । शिक्षा र स्वास्थ्य क्षेत्रमा उल्लेखनिय योगदान दिए वापद आज यो पुरस्कार दिल्लीमा आयोजित एक कार्यक्रमबीच सोसाइटीलाई प्रदान गरियो । 

इण्डियन फोरेन सर्विसेसका एम्बासेडर तथा भूतपूर्व सीबीआइका निर्देशक डा भी बी सोनीको बाहुलीबाट यो पुरस्कार र प्रश्स्तीपत्र हिसोवेसोका एकाउंटेंट प्रवेश गुरुङ्ले संगठनको पक्षमा ग्रहण गरे । यस गैर सरकारी संगठनले समाजको विभिन्न पक्षलाई लिएर गत एक दशक भन्दा अधिक समयदेखि समाज सेवा विभिन्न प्रकल्प र कार्यक्रम मार्फत गरिरहेकोछ । शिक्षा क्षेत्रमा पनि यसले ग्रामीण र सुदुरवर्ती क्षेत्रमा विशिष्ट कार्य गरिरहेकोछ । यसै अनुसार देशको विकाशमा यसले गरेको उल्लेखनिय कार्यको सराहना गर्दै यो पुरस्कार सोसाइटीलाई प्रदान गरिएको थाहा लागेकोछ ।

पुरस्कारले मानिसलाई अझ उत्तरदायित्वशिल बनाउछ साथै आफ्नो कार्यक्षेत्र अझ फाटिलो बनाउछ, यो सामुहिक परिश्रम र सहभागीताको फल हो, सोसाइटीका सचिव शोभा छेत्रीले पुरस्कार प्राप्त गरेकोमा आफ्नो मंतव्य यसरी पोखिन।
2000 सालमा स्थापित यस संस्थाले कम समयमा धेरैनै समाज सुधार सेवा र रोजगारमूलक कार्य गर्न सफल भैसकेकोछ। वर्तमानमा यसले समाजमा भएका विकट समस्याहरु जस्तै ड्रग्स, देह व्यापार, मानव तस्करी, बेरोजगार, स्वास्थ्य र शिक्षाका समस्याहरुको समाधानार्थ उल्लेखनिय काम गरिरहेकोछ।