काल्चिनीमा गोर्खा सांस्कृतिक उत्सव एंव प्रदर्शनी सम्पन्न

गोक्षेप्र प्रमुख कार्यकारी एव गोजमुमो अध्यक्ष बिमल गुरुङ काल्चिनीमा सास्कृतिक उत्सवलाई सम्बोधन गर्दै 

राजेश शर्मा, कालिमन्युज, जयगांव 16 फरवरी 2014 । डुवर्सको काल्चिनीमा अब उसो प्रतिवर्ष सांस्कृतिक उत्सव आयोजन हुने घोषणा गोर्खाल्याण्ड क्षेत्रिय प्रसाशनका प्रमुख कार्यकारी बिमल गुरुङ्ले गरे।
गत हप्ताह शुक्रवारदेखि आरम्भ भएको तिन दिवशीय गोर्खा सांस्कृतिक उत्सव एंव प्रदर्शनी आज भब्य रुपले समापन भयो जसमा गुरुङ पनि उपस्थित थिए।
यो गोर्खा सांस्कृतिक उत्सव एंव प्रदर्शनी काल्चिनी ब्लक गोर्खा जनमुक्ती मोर्चाद्वारा जलपाइगुडी जिल्लाको काल्चिनी खेल मैदानमा आयोजित गरिएको थियो। यसको उद्घाटन गोक्षेप्र सभासद आसा गुरुंगको बाहुलीबाट भएको थियो भने आज यसको समापनमा गोक्षेप्रका प्रमुख कार्यकारी बिमल गुरूङ लगायत अन्य गोजमुमो नेताहरु उपस्थित थिए।

गोजमुमो अध्यक्षद्वारा खाध्य सामग्री वितरण

गुरुङले आफ्नो सम्बोधनको क्रममा यस प्रकारको मेलाको सराहना गर्दै प्रतिवर्ष माघे संक्रांतिको समयमा यस प्रकारको मेला आयोजन गर्ने घोषणा साथ त्यसमा अन्य जातिहरुलाई पनि निम्त्याउनु पर्ने सुझाव दिए। तिनले अझै बताए कि मेलामा राज्यका मंत्रीहरुलाई पनि आमंत्रण गर्नु आवश्यक ठहर्छ | सरकारलाई यसमा ध्यान दिने र यसलाई पर्यटनको केन्द्रस्थल बनाउने कुरोमा म पनि सहायता गर्नेछु भन्ने तिनले थप बताए।
प्रदर्शनीमा गोजमुमो महासचिव रोशन गिरी सभासद आर बि भूजेल, ज्योतिकुमार राई आदि पनि उपस्थित थिए । गोर्खा सांस्कृतिक उत्सव एंव प्रदर्शनीको अवधि कालचिनि ब्लक् काग्रेस पार्टीका जिल्ला परिषद सदस्य मोहन शर्मा झारखण्ड मुक्ति मोर्चाको डुवर्सका प्रमुख नेता जोन बारला आदि पनि अन्य दिनमा उपस्थित थिए । जयगांव एक एंव दुइ जीपि दलसिगपाड़ा, कुमारग्राम, कालचिनि, मलांगी, गंगोटीया चिनचुलाका जनता पनि मेलामा देखिए ।
आयोजक कमिटिको संचालन कमिटिका मूल सचिव सुरज रोकाले बताए कि गोर्खा सांस्कृतिक उत्सव एंव प्रदर्शनी मेला आयोजनको प्रमुख उद्धेस्य गोर्खा जातीको सस्कृति संरक्षण गर्न र नव युवा युवतीमाझ जातीय प्रेम, पारम्परीक सांस्कृतिक रहन सहन लगायत जातीय पोशाकबारे अवगत गराउनु हो ।
प्रदर्शनीमा उपस्थित कालचिनि ब्लकका जिल्ला परिषद सदस्य मोहन शर्माले बताए कि यस गोर्खा मेला 24 साल पछि पुन आयोजित भएको हो जो आवस्यक थियो भन्दै यस कार्यक्रमको सराहना गरे।

मोहन शर्मा र जोहन बार्ला

आदिवासी नेता एव झारखण्ड मुक्ति मोर्चाको डुवर्स नेता जोन बारलाले पनि यस गोर्खा मेला एक महत्वपूर्ण समारोह हो भन्ने बताए । तिनले अझै भने कि गोर्खा जातीलाई सरकारले या अन्य जातीहरुले अन्याय गरिरहेका छन यसैले यस तरहको सांस्कृतिक मेला आयोजन गरिनु आवश्यक छ । गोजमुमोका सकिला लामा, राजेश बराइली, के बि दियाली, अडी प्रधान, राजेश शर्मा, अशोक लामा लगायत अन्य पार्टी समर्थक एंव बिभिन्न पार्टीका गोर्खा तथा आदीबासीहरु पनि मेलामा उपस्थित देखिए।
यता डुवर्स भ्रमणको समय गोक्षेप्र प्रमुख कार्यकारी एव गोजमुमो अध्यक्ष गुरुङले गत 15 जनवरीदेखि बन्द भएको तोर्षा चिया बगानको भ्रमण गरेर त्यहाका बगानबासीहरुलाई खाध्य सामग्री वितरण गरे। आजनै तिनले जयगाउ 1 नम्बर पंचायतको पार्टी कार्यालयको पनि उदघाटन गरे। यसैबीच पार्टीले डुवर्सको तिनै क्षेत्र पूर्व, पश्चिम र मध्य डुवर्सको निम्ति आनन्द विश्वकर्मलाई प्रमुख समंवयक चुनेको र अति शिघ्र तिनको नियुक्ती सार्वजनिक गरिने बताइएकोछ। (फोटो: राजेश शर्मा)