ON SALE




ON SALE
19 decimal private land with a House
at Sabitri Ghising Road, Bong Busty Kalimpong.
Single storied house has 3 Bedrooms,
Living room, Kitchen & Dining room,
3 Bathroom-cum-toilets
Contact: thulungakrai@gmail.com
or 9434131719


29 Jun 2017

गोर्खाल्याण्डको समर्थन गर्दै गोर्खा स्टुडेन्ट्स फेडेरेसनका विद्यार्थीवर्ग कालेबुङमा

डी.के. वाइबा, कालिमन्युज, कालेबुङ २८ जुन। छुट्टै राज्य गोर्खाल्याण्डको मुद्दामा एकबद्धता जनाउँदै सिक्किम विश्वविद्यालयमा अध्ययनरत रहेका 27 जना विद्यार्थीवर्गको टोलि रम्फु सिक्किम देखि पैदल यात्रा गरेर कालेबुङ आइपुगेका छन्। 
गोर्खाल्याण्डको मुद्दालाई खुल्ला समर्थन गर्दै केहि सप्ताह अघि मात्रै गठन गरेका ‘गोर्खा स्टुडेन्ट्स फेडेरेसन’ को ब्यानर बोकेर उनीहरू कालेबुङ आइपुगेका छन्। बिहान रम्फुबाट पैदाल यात्रा सुरु गरेका विद्यार्थीवर्ग कालेबुङमा दिउँसो साँढे तीनबजे आइपुगेका थिए। यसक्रममा उनीहरूलाई ठाउँ-ठाउँमा स्वागत गर्ने कार्य पनि सम्पन्न भएको थियो। 
छुट्टै राज्य गोर्खाल्याण्ड गठनको मागमा नाराबाजी गर्दै आएका सिक्किम विश्वविद्यालय अधिनस्थ रहेका ‘गोर्खा स्टुडेन्ट्स फेडेरेसन’ का विद्यार्थीवर्गलाई डम्बर चौकमा गोजमुमो कार्याकर्ता, भारतीय गोर्खा परिसंघ लगायत आम नागरिकवर्गले पनि खदा अर्पण गरेर स्वागत जनाएका थिए। ‘गोर्खाल्याण्डको आन्दोलन जनताको आन्दोलन बनिसकेको छ। यस्तो अवस्थामा अब केवल एकमात्र गोर्खाल्याण्डको निम्ति लड्नुपर्छ। गोर्खाल्याण्ड बाहेक अन्य कुनै पनि कुरामा नेतृत्वले सम्झौता गरे हामी घोर विरोध गर्दछौँ’ गोर्खा स्टुडेन्ट्स फेडेरेसन संयोजक शैलेन्द्र देवानले भने। 
हाल विभिन्न स्थानमा छुट्टै राज्य गोर्खाल्याण्डको मागमा जनता सडकमा ओर्लिएको बताउँदै जसरी तेलेंगना राज्य गठन गर्नमा ओसमानिया विश्वविद्यालयका विद्यार्थीवर्गले महत्वपूर्ण भुमिका निर्वाह गरे थिए त्यसरी नै सिक्किम विश्वविद्यालयका विद्यार्थीवर्गले भुमिका निर्वाह गर्ने पनि देवानले बताएका छन्। 
‘गोर्खाल्याण्ड आन्दोलनका निम्ति सर्वदलिय पहल भइरहेको छ। यो हाम्रो निम्ति राम्रो कुरा हो। हामी सामुहिक नेतृत्वमा विश्वास गर्छौँ। सामुहिक नेतृत्वले नै अबको आन्दोलनलाई निष्कर्षमा पुर्‍याउनुपर्छ’ उनले अझ भने। आफुहरूले गोर्खाल्याण्डको पक्षमा सिक्किममा विभिन्न कार्यक्रमहरूको आयोजना गर्ने कार्य गरिसकेको बताउँदै भविष्यमा गोर्खाल्याण्डको निम्ति दिल्ली गएर धर्ना कार्याक्रमहरूमा सामेल हुने पनि बताएका छन्। 
यसैक्रममा उनीहरूले छुट्टै राज्य गोर्खाल्याण्डको आन्दोलनलाई अघि बढाउँनका निम्ति सर्वदलिय सभामा विद्यार्थीवर्गको प्रतिनिधीलाई पनि सामेल गर्नुपर्ने उनीहरूले माग गरेका छन्। 
अर्कोतर्फ यता पत्रकारहरूसँग कुराकानी गर्दै गोर्खा स्टुडेन्ट्स फेडेरेसनका सहसंयोजक सागरमणी रसाईलीले छुट्टै राज्य गोर्खाल्याण्डको आन्दोलनलाई अघि बढाउँनका निम्ति सिक्किम विश्वविद्यालयमा अध्ययनरत विद्यार्थीवर्ग आफ्नो अध्ययन छोडेर सडकमा ओर्लिन समेत तयार रहेको बताएका छन्। सोहिक्रममा पदयात्रामा सामेल बनेका निर्णय तामङले आजको परिस्थितिमा गोर्खाल्याण्ड चाहनेहरूले विभिन्न राजनैतिक दलको झण्डा हेरेर विभाजन हुन नहुने आह्वान गरेका छन्।

Digg Google Bookmarks reddit Mixx StumbleUpon Technorati Yahoo! Buzz DesignFloat Delicious BlinkList Furl

0 comments: on "गोर्खाल्याण्डको समर्थन गर्दै गोर्खा स्टुडेन्ट्स फेडेरेसनका विद्यार्थीवर्ग कालेबुङमा"

Post a Comment

Kalimpong News is a non-profit online News of Kalimpong Press Club managed by KalimNews. It is published simultaneously in this site as well as http://kalimpongnews.net.
Please be decent while commenting and register yourself with your email id. Your id will be kept secret, as far as practicable.

Popular Posts