जयगांउमा एकलाखको लागतमा मुर्दा जलाउने स्थान निर्माण
राजेश शर्मा, कालिमन्युज, जयगांव 26 जुलाई 2015। भारत भोटाङ सिमा क्षेत्रमा अवस्थित जयगांउको तल्ला बस्ती मुर्दा खेल मैदान तथा भोटांङ्बाट भएर बहने तोर्सा नदिको किनारमा मुक्तीधाम मुर्दा जलाउने घाट्को उदघाटन आज गरियो । यस चुल्हा उद्घाटनको कारणले स्थानिय वासिन्दाहरुको धेरै दिनको समस्या समाधान भएकोछ ।
स्थानिय व्यापारी शम्भूदयाल अग्रवाल (एसडि अग्रवाल)ले एकलाख रुपिया लगाएर यस सामाजिक मुक्तीधाम घाटको निर्माण गरेर यसलाई समाजको निम्ति सुम्पेका छन ।
पश्चिम बंगाल सरकारका बनमंत्री विनय कृष्ण बर्मनको बाहुलीबाट आज एक कार्यक्रम बीच यस मुर्दा जलाउने घाट्को उद्घाटन सम्पन्न भयो। कार्यक्रममा कालचिनि विधायक विलसन चम्प्रमारी , कालचिनि सभाधिपति मोहन शर्मा लगायत स्थानिय जयगाउका गन्यमान्य ब्यक्तिहरुको उपस्थिति थियो ।
यस अवसरमा प्रमुख दानकर्ता शम्भू दयाल अग्रवाललाई स्थानिय खाटु स्याम गौरक्षक समितिको तर्फबाट एक पितलको गाईको मुर्ती दिएर सम्मान गरियो।
उसरीनै कालचिनिका जिल्ला परिषद एंव अलिपूरव्दार जिल्ला सभाधिपति मोहन शर्माले बताए कि शम्भुदयाल शर्माले जुन काम समाजको निम्ति गरे यो प्रशंसनिय छ, यो सबैले सिक्न पर्ने एक असल उदाहरण हो, आउने दिनमा यसै तरहले काम गर्ने उर्जा सबैलाई मिलेको छ ।
अर्कोतिर बनमंत्री विनय कृष्ण बर्मनले भने कि उक्त घाटमा मुर्दा जलाउने दाउरा बनविभागले दिलाउने छ । यता कालचिनिका विधायक विलसन चम्प्रमारीले पनि सांसद एंव विधायक लगायत जिल्ला परिषदको तर्फबाट् शव जलाउन लाने वाहन प्रदान गर्ने घोषणा गरे ।
0 Response to "जयगांउमा एकलाखको लागतमा मुर्दा जलाउने स्थान निर्माण"
Post a Comment
Kalimpong News is a non-profit online News of Kalimpong Press Club managed by KalimNews.
Please be decent while commenting and register yourself with your email id.
Note: only a member of this blog may post a comment.