ON SALE




ON SALE
19 decimal private land with a House
at Sabitri Ghising Road, Bong Busty Kalimpong.
Single storied house has 3 Bedrooms,
Living room, Kitchen & Dining room,
3 Bathroom-cum-toilets
Contact: thulungakrai@gmail.com
or 9434131719


1 Aug 2017

आन्दोलनकारीहरूले ‘मुष्ठिदान’ दिए सरकारलाई

डी.के.वाइबा, कालिमन्युज, कालेबुङ ३१ जुलाई। पश्चिम बङ्गाल सरकारले पहाड अनि सिक्किम राज्यमा जाने खाद्य समाग्रीहरू सिलगडीमा रोक्ने कार्य गरेको विरोधमा उल्टै सरकारलाई आन्दोलनकारीहरूले मुष्ठी दान सङ्ग्रह गरेर पठाएको छ। गोर्खा जनमुक्ति मोर्चाले आज जनताबाट चामल मुष्ठि दान सङ्ग्रह गरेर कालेबुङ जिल्लापाल डा. विश्वनाथ मार्फत मुख्यमन्त्री ममता ब्यानर्जीलाई पठाउने कार्य गरेको छ। 
मुष्ठि दानबाट सङ्ग्रह भएको दुई बोरा चामल अनिश्चितकालिन बन्दको 47 औँ दिन जिल्लापाल मार्फत् राज्यकी मुख्यमन्त्री ममता ब्यानर्जीलाई पठाउने कार्य गरेको हो। बन्दको 47 औँ दिन छुट्टै राज्य गोर्खाल्याण्डको माग गर्दै मेनरोडबाट सुरु भएको जुलुस जिल्लापाल कार्यालय पुगेपछि धर्ना प्रदर्शनकै क्रममा मोर्चा नेतृत्ववर्गले मुख्यमन्त्री ममता ब्यानर्जीलाई मुष्ठिदानबाट सङ्ग्रह भएको चामल सँगै ज्ञापन पत्र पनि सुम्पिने कार्य गरेको छ। 
‘संवैधानिक माग गोर्खाल्याण्डलाई दबाउनका निम्ति तृणमूल कङ्ग्रेस नेतृत्वधिन पश्चिम बङ्गाल सरकारले दार्जीलिङ पहाडसँगै सिक्किम राज्यमा जाने खाद्य सामाग्री रोक्ने कार्य गरिरहेको छ। अहिले मुख्यमन्त्री ममता ब्यानर्जीले हाम्रो मागलाई दिर्घकालिन समाधान गर्नको साटो उल्टै बन्दको कारण करोडौँ रूपियाँ घाटा भइरहेको कुरा गरिरहेकी छन्’ गोजमुमोद्वारा बुझाइएको ज्ञापन पत्रमा लेखेको छ। 
‘गोर्खाल्याण्ड क्षेत्रमा बस्ने मानिसहरूको मृत्युलाई लत्याएर अनि शान्ति र निम्नतम मानव अधिकारलाई पन्साएर पश्चिम बङ्गाल सरकारले क्षतिभएको कुरा गरिरहेको छ। यस्तो अवस्थामा हामीसँग रहेका खाद्यन्नहरू पनि राज्यको मुख्यालयमा पठाइरहेका छौँ। जसले राज्यको क्षतिलाई केहि मात्रमा राहत् प्राप्त होस्’ ज्ञापन पत्रमा अझ लेखेको छ। 
पश्चिम बङ्गाल सरकारले सिक्किम राज्य अनि पहाडमा खाद्य सामाग्री पठाउने व्यवस्था गर्नको साटो उल्टै सरकारी तन्त्रहरूको प्रयोग गरेर रोक्ने कार्यको साङ्केतिक विरोध गर्दै यसरी मुष्ठि दान सङ्ग्रह गरेर पठाउने कार्य गरेको दिप थापाले जुलुस पछि सम्पन्न सभालाई सम्बोधन गर्दै भने। 
उक्त मुष्ठि दानले सरकारलाई अहिले हुँदै आइरहेको क्षतिलाई केहि मात्रमा कमी होस् भन्दै आन्दोलनकारीहरूको साङ्केतिक विरोध रहेको पनि उनले बताएका छन्। यसक्रममा उक्त साङ्केतिक विरोध कार्यक्रम आगमी 3 अगस्तसम्म जारी रहने पनि उनले बताएका छन्।

Digg Google Bookmarks reddit Mixx StumbleUpon Technorati Yahoo! Buzz DesignFloat Delicious BlinkList Furl

0 comments: on "आन्दोलनकारीहरूले ‘मुष्ठिदान’ दिए सरकारलाई "

Post a Comment

Kalimpong News is a non-profit online News of Kalimpong Press Club managed by KalimNews. It is published simultaneously in this site as well as http://kalimpongnews.net.
Please be decent while commenting and register yourself with your email id. Your id will be kept secret, as far as practicable.

Popular Posts