ON SALE




ON SALE
19 decimal private land with a House
at Sabitri Ghising Road, Bong Busty Kalimpong.
Single storied house has 3 Bedrooms,
Living room, Kitchen & Dining room,
3 Bathroom-cum-toilets
Contact: thulungakrai@gmail.com
or 9434131719


2 Mar 2017

मोर्चाको शाषणमा नगरपालिकामा व्यापक भ्रष्टचार भएको जापको आरोप

डी के वाइबा, कालिमन्युज, कालेबुङ,1 मार्च। कालेबुङ नगरपालिका क्षेत्रका विभिन्न सडकहरू नगरपालिकाले पुन: निर्माण गर्ने कार्य गरेपनि उक्त कार्य गुणस्तरीय नभएको जन आन्दोलन पार्टीले आरोप लगाएको छ। निम्नस्तरीय परिणाम भएको कार्यले पुन: निर्माण गरिएका सम्पूर्ण सडकहरू केहि महिना बित्न नपाइ खाल्डा बनिन थालेपछि आज जन आन्दोलन पार्टीको प्रतिनिधी टोलिले नगरपालिका प्रशासक तथा महकुमा अधिकारी निर्मलया घरामीलाई भेट गरेर आरोप पत्र दर्ता गरेको छ। 
विशेष गरेर कालेबुङ नगरपालिकाको वार्ड नम्बर 22, 23, 15 अनि 16 का वासिन्दाहरूलाई कालेबुङ शहरसँग जोड्ने ईस्ट मेन रोड पुन: निर्माणको निम्ति जन आन्दोलन पार्टीले मागेको सूचनाको अधिकारको रिपोर्टमा 55 लाख 33 हजार 6 सय 74 रूपियाँ अनुमोदन भएको उल्लेख गर्दै उक्त सडक पुन: निर्माण भएको केहि महिना पछि नै भत्किएको आरोप लगाएको छ। सडक निर्माणको निम्ति ठेकादारहरूले निम्न स्तरीय परिणाम भएको सामग्री प्रयोग गरेको अनि व्यापक भ्रष्टचार गरेको कारण नै सडक राम्रो निर्माण नभएको पार्टीले दाबी गरेको छ। 
सोहि कुरालाई मध्यनजर राखेर वर्तमानमा नगरपालिकाको जिम्मेवारी लिएका नगर प्रशासन एवम् महकुमा अधिकारीलाई यसबारे उजुरी गर्दै यथाशिघ्र कार्यवाही गर्नुपर्ने जन आन्दोलन पार्टीले माग गरेको छ। 
यसबारे बोल्दै जन आन्दोलन पार्टीको युवा एकाईका सचिव अमिर बस्नेतले नगरपालिका प्रशासनले उल्लेखित बाटोको निरीक्षण गरेर जाँच कार्य आरम्भ गर्नुपर्ने माग गरेका छन्। यहाँ जनताको पैसा लुट्ने कार्य भइरहेको छ। विगतमा गोजमुमो पार्टीको नगरपालिकामा बोर्ड हुँदा निर्माण गरिएको सडकहरू आज केहि महिना बित्दानै भत्किएर गएको छ। निम्नस्तरीय कार्यको कारण नै उक्त सडक यसरी भत्किएको हो। लाखौँ रूपियाँको ठेका लिएर जनताको पैसालाई भ्रष्टचार गर्ने कार्यलाई जन आन्दोलन पार्टीले सहन गर्नेछैन। यसकारण हामी उक्त सम्पूर्ण कार्यको जाँच हुनपर्ने माग गर्छौँअमिर बस्नेतले भने। 
गोजमुमो नेतृत्ववर्ग प्रति पनि निशाना गर्दै अमिर बस्नेतले आफ्नो सम्बोधनमा आज जनताले गोजमुमो त्याग्नुको मूल कारण पनि गुणस्तरीय कार्य नगरेर जनताको पैसालाई भ्रष्टचार गरेको हो भनि दाबी गरे। 
आज नेताले जनता खोजेर कालेबुङ आउनुपर्ने स्थिति भएको छ। यदि नेताले जनताको पैसालाई राम्रो कार्यमा लगाएको भए जनता खोज्नपर्ने स्थिति आउने थिएन। काम राम्रो गर्नुपर्छ जनताले नेता खोज्दै आउनेछन्अमिर बस्नेतले गोजमुमो अध्यक्ष विमल गुरुङको कालेबुङ भ्रमण प्रति कटाक्ष गर्दै भने। उनले मोर्चाको कार्यकालमा कालेबुङ नगरपालिकामा व्यापक भ्रष्टचार भएको आरोप लगाउँदै उक्त सम्पूर्ण आरोपहरू सूचनाको अधिकार मार्फत प्राप्त जवाबको आधारमा लगाएको पनि स्पष्ट पारे। 
सूचनाको अधिकारले भ्रष्टचारको प्रमाण पाउन हामी सक्षम भएका छौँ। जनताको पैसा भ्रष्टचार गर्नेहरूलाई हामी न्यायालयमा उभ्यानेछौँअमिर बस्नेतले चेतावनी दिए।

Digg Google Bookmarks reddit Mixx StumbleUpon Technorati Yahoo! Buzz DesignFloat Delicious BlinkList Furl

0 comments: on "मोर्चाको शाषणमा नगरपालिकामा व्यापक भ्रष्टचार भएको जापको आरोप"

Post a Comment

Kalimpong News is a non-profit online News of Kalimpong Press Club managed by KalimNews. It is published simultaneously in this site as well as http://kalimpongnews.net.
Please be decent while commenting and register yourself with your email id. Your id will be kept secret, as far as practicable.

Popular Posts